gipuzkoakultura.net
GIPUZKOAKO ARTXIBO OROKORRA. San Frantzisko ibiltokia 2. 20400 Tolosa (Gipuzkoa).
Tel.: +34 943 650868. Fax.: +34 943 650174.
E-mail: AGG-GAO@gipuzkoa.net
Gipuzkoako agiri ondarea zaharberritzeko diru laguntzak
Gipuzkoako Foru Aldundiak, Kultura eta Euskara Departamentuaren bitartez, agiriak zaharberritzeko diru laguntzak emango ditu berriz, 1993tik 2002ra bitartean egin zuen bezala, Euskal Kultura Ondarearen Legeak (1990) ematen dizkion eskumenetan oinarrituta.
Diru laguntzak urtero emango dira, Gipuzkoako Artxibo Orokorraren ardurapean.
2009ko deialdia Gipuzkoako Aldizkari Ofizialean argitaratuta dago: 2009ko apirilaren 1eko GAO, 61 zk. Eskaerak aurkezteko azken eguna maiatzaren 8a da.
Informazio gehiago nahi izanez gero, jar zaitez gurekin harremanetan, telefonoz edo Internet bidez.
Lehengo etapan 499.151,86 euro eman ziren diru laguntzetan, guztira. Erakunde hauek izan ziren onuradunak:
- - Udalak: Albiztur, Aretxabaleta, Asteasu, Azkoitia, Azpeitia, Bergara, Deba, Donostia, Eibar, Elgeta, Errenteria, Ezkio-Itsaso, Gaintza, Hernani, Hondarribia, Irun, Lizartza, Mutriku, Oiartzun, Orexa, Orio, Ormaiztegi, Segura, Soraluze, Tolosa, Zarautz, Zegama eta Zizurkil.
- - Irabazi asmorik gabeko erakundeak: Donostiako Elizbarrutiko Artxibo Historikoa, Gipuzkoako Ozeanografia Elkartea, Donostiako Real Automóvil Club Vasco-Navarro, Euskadiko Filmategi Elkartea eta Hondarribiko Done Pedro Itsas-gizonen Kofradia.
Zaharberritutako dokumentuak pergaminoan, paperean edo zeluloidean eginak ziren. Dokumentuen artean baziren, besteak beste: hiri gutunak, erregeek emandako pribilegio eta mesedeen liburuak, udal ordenantzak, udal akten eta kontuen liburuak, auziak, testamentuak, protokoloak, filmak, Kirien Liburua, antiphonarium-a, eta hirien eta itsasontzien planoak.
